Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

លោក ​ខាត់ សារ៉ាត់​​មេនគរបាល​អន្តោប្រវេស​ន៍ច្រកទ្វា​រអន្តរជាតិបា​វិតប្រមូល​លុយតាម​របៀបពុករលួយមិ​នញញើត​អង្គភាព​ប្រឆាំងអំពើ​ពុករលួ​យ

ប្រភព​ដែល​ស្និទ្ធ​នឹង​លោក ខាត់ សារ៉ាត់ បាន​ឲ្យ​ដឹងថា ការដែល​លោក ខាត់ សារ៉ាត់ ហ៊ាន​ធ្វើ​អ្វីៗ​ស្រេច​តែ​អំពើ​ចិត្ត​របស់ខ្លួន គឺ​ដោយសារ​អាង​មាន​នាយ​ឧ​ត្ត​ម​សេនីយ៍ គៀត ច័ន្ទ​ថា​រិ​ទ្ធ អគ្គនាយក​នៃ​អគ្គនាយកដ្ឋាន​អន្តោប្រវេសន៍ ជា​បង្អែក​យ៉ាងរឹងមាំ​។ ជា​ការពិត​បើទោះបី​រឿងអាស្រូវ​ពុករលួយ​ច្រើនបែប​ច្រើនយ៉ាង​របស់លោក ខាត់ សារ៉ាត់ មេ​នគរបាល​អន្តោប្រវេសន៍​ច្រកទ្វារ​អន្តរជាតិ​បាវិត ត្រូវបាន​បើក​កាយ​ជា​បន្តបន្ទាប់​យ៉ាងណាក្ដី ក៏​ថ្នាក់ដឹកនាំ​ក្រសួងមហាផ្ទៃ និង​នាយ​ឧ​ត្ត​ម​សេនីយ៍ គៀត ច័ន្ទ​ថា​រិ​ទ្ធ អគ្គនាយក​នៃ​អគ្គនាយកដ្ឋាន​អន្តោប្រវេសន៍ សម្ងំស្ងៀម​ធ្វើ​មិនដឹងមិនឮ​អ្វី​ឡើយ​។ ដូច្នេះហើយ​ទើប​លោក ខាត់ សារ៉ាត់ កាន់​តែមាន​សិទ្ធិអំណាច​យ៉ាង​ធំធេង​ក្នុងការ​ប្រព្រឹត្ត​អំពើពុករលួយ យ៉ាង​គឃ្លើន ហើយ​ប្រើ​អំណាច​គាបសង្កត់​ទៅលើ​ក្រុមហ៊ុន ក្រុម​ឈ្មួញ និង​ក្រុមអាជីវករ នាំចូល​ទំនិញ​តាម​ច្រកទ្វារ​អន្តរជាតិ​បាវិត ស្រេច​តែ​អំពើ​ចិត្ត​របស់ខ្លួន​។ បញ្ហា​នេះ​គឺជា​រឿង​ដែ​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ គួរ​បើក​ការស៊ើបអង្កេត​ឲ្យ​បាន​ស៊ីជម្រៅ​ផងដែរ ព្រោះ​បច្ចុប្បន្ន​លោក ខាត់ សារ៉ាត់ និង​បក្ខពួក​បង្កើន​សកម្មភាព​ពុករលួយ​ខ្លាំងក្លា​ជាង​មុន​ទៅទៀត​

 ​ប្រភពពី​មន្ត្រី​នៅ​ច្រកទ្វារ​អន្តរជាតិ​បាវិត បាន​បង្ហើប​ឲ្យ​ដឹងថា លោក ខាត់ សារ៉ាត់ មេ​នគរបាល​អន្តោប្រវេសន៍​ច្រកទ្វារ​អន្តរជាតិ​បាវិត ក្រុង​បាវិត ខេត្តស្វាយរៀង នៅតែ​បន្ត​ប្រើ​តួនាទី​និង​អំណាច​របស់ខ្លួន​ប្រព្រឹត្ត​អំពើពុករលួយ​ខ្លាំងក្លា​លើស​មុន​ទៅទៀត​។ ប្រភព​បាន​ឲ្យ​ដឹង​ទៀតថា ក្រុមហ៊ុន​នាំចូល​ទំនិញ​តាម​ច្រកទ្វារ​អន្តរជាតិ​បាវិត ព្រមទាំង​ក្រុម​ឈ្មួញ​និង​ក្រុមអាជីវករ​នាំចូល​ទំនិញ​ពី​ស្រុក​យួន​តាម​ច្រក​នេះ​រង​ការគាបសង្កត់​ពី​លោក​ឧ​ត្ត​ម​សេនីយ៍​ត្រី ខាត់ សារ៉ាត់ មេ​នគរបាល​អន្តោប្រវេសន៍​ច្រកទ្វារ​អន្តរជាតិ​បាវិត កាន់តែខ្លាំង​ជាង​មុន​។ ក្រុម​អ្នក​រត់ការ​ឯកសារ​ក្រុមហ៊ុន​នាំចូល​ទំនិញ​តាម​ច្រកទ្វារ​អន្តរជាតិ​បាវិត បាន​បង្ហើប​ឲ្យ​ដឹងថា ទោះបី​ក្រុមហ៊ុន​នាំចូល​ទំនិញ​បង់ពន្ធ​ត្រឹមត្រូវ​ក៏​ចៀស​មិន​ផុតពី​បង់លុយ​លើ​តុ​ក្រោម​តុ​តាម​ការកំណត់​របស់លោក ខាត់ សារ៉ាត់ និង​បក្ខពួក​នោះឡើយ​។

​តាម​ការ​បង្ហើប​ពី​អ្នក​រត់ការ​ឯកសារ​ក្រុមហ៊ុន​នាំចូល​ទំនិញ​តាម​ច្រកទ្វារ​អន្តរជាតិ​បាវិត បានលើកឡើង​ទៀតថា មួយរយៈ​ចុងក្រោយ​នេះ​លោក ខាត់ សារ៉ាត់ ប្រើ​តួនាទី​និង​អំណាច​របស់ខ្លួន​ប្រព្រឹត្ត​អំពើពុករលួយ​កាន់តែខ្លាំង ព្រោះ​អាង​មាន​ខ្នងបង្អែក​រឹងមាំ​នៅ​ក្រសួងមហាផ្ទៃ និង​នៅក្នុង​អគ្គនាយកដ្ឋាន​អន្តោប្រវេសន៍​។ ដូច្នេះហើយ​ទើប​លោក ខាត់ សារ៉ាត់ គាប​យកលុយ​លើ​តុ​ក្រោម​តុ​ពី​ក្រុមហ៊ុន​នាំចូល​ទំនិញ​តាម​ច្រក​បាវិត ស្រេច​តែ​អំពើ​ចិត្ត​របស់ខ្លួន ជាពិសេស​រាប់​ក្បាល​រថយន្ត​ដឹកទំនិញ​យកលុយ​យ៉ាង​ស្រួលៗ​តាមរបៀប​ពុករលួយ​។ ប្រភពពី​សមត្ថកិច្ច​ពា​ក់​ព័ន្ធ​បាន​ឲ្យ​ដឹងថា នៅ​ច្រករបៀង​សងខាង​ច្រកទ្វារ​អន្តរជាតិ​បាវិត បានក្លាយ​ទៅជា​កន្លែងរ​ក​ប្រភព​ចំណូល​ដ៏​សំខាន់​របស់លោក ខាត់ សារ៉ាត់ និង​បក្ខពួក ព្រោះ​គ្មាន​នរណា​ហ៊ាន​តវ៉ា​ជាមួយ​លោក ខាត់ សារ៉ាត់ នោះទេ​។ ជាងនេះទៅទៀត​លោក ខាត់ សារ៉ាត់ តែង​យកឈ្មោះ​មន្ត្រី​ធំៗ​នៅ​ក្រសួងមហាផ្ទៃ និង​នៅក្នុង​អគ្គនាយកដ្ឋាន​អន្តោប្រវេសន៍ ដើម្បី​ការពារ​ទង្វើ​របស់ខ្លួន​ ​។(មានត)

Filed in: ព័ត៌មានសំខាន់, ព័ត៌មានស៊ីជម្រៅ

Recent Posts